Една година откако прележа корона, Брајан Кренстон сè уште нема чувство за вкус

By

Актерот Брајан Кренстон, ѕвеаздата на серијата Breaking Bаd, вели дека една година нема чувство за вкус. Тој и неговата сопруга, Робин Деарден, се заразија од Ковид-19 лани во март, а тој тогаш тврдеше дека имале многу среќа зашто ја поминале болеста со благи симптоми.

„Вкусот се врати до одреден степен, но не 100 проценти. Другото е добро“, вели 65-годишниот Брајан.

Тој и сопругата се заразија речиси во исто време кога и нивните пријатели Том Хенкс и Рита Вилсон. Брајан смета дека е добро што Хенкс бил подготвен отворено да зборува за своето искуство. Во интервју за магазинот „Телеграф“, глумецот рече: „Том се зарази пред мене. Кога јавно проговори за тоа, си помислив дека тоа е добро за општеството, ако еден богат и славен човек можел да се зарази, тоа може да ми се случи и мене и на кој било друг.“

Губењето на чувството за мирис и вкус, познато како аносмија, е еден од најчестите симптоми кај луѓе заразени од Ковид-19. Но некои студии откриваат дека тие симптоми не секогаш се губат по закрепнувањето.

Според најновата студија, речиси 90 % од луѓето што го изгубиле осетот за мирис и вкус како последица на коронавирусот целосно или барем делумно им се вратиле по еден месец, но 10 % од нив никогаш не го добиле назад.

Професорката Клер Хопкинс, претседател на Британското здружение за ринологија и една од истражувачите на долгорочни последици на Ковид-19, вели дека на луѓето што побргу закрепнуваат веројатно им биле заразени само клетките во внатрешноста на носот. Луѓето што побавно закрепнуваат, пак, веројатно вирусот им навлегол и во нервите одговорни за мирис. Затоа им треба подолго време за да се регенерираат“.

Ќе ви се допадне