Елтон Џон доби златна монета

Британскиот музичар сер Елтон Џон доби златна монета. Тој денеска стана вториот уметник годинава чиј лик се најде на комеморативна монета на британската кралска ковачница, пренесува Би-би-си.

Британската кралска ковачница го овековечи Елтон Џон на златна монета од 1.000 фунти, со која се оддава чест на неговото музичко наследство.

Паричката ја дизајнираше Бредли Морган Џонсон, а на неа се прикажани ноти, како и сламен шешир и очила, по коишто Елтон Џон е познат.

– Ова е голема чест. Во изминатите неколку години ми се случија некои од најнезаборавните моменти во кариерата и ова е уште еден убав јубилеј на тоа патување – изјави Џон.

Најевтината монета има номинална вредност од пет фунти и ќе се продава за 13 фунти, додека верзијата од еден килограм злато е со вредност од 1.000 фунти, но нејзината цена е 68.865 фунти.

Седумдесет и тригодишниот Џон ја прекина својата проштална светска турнеја поради пандемијата со коронавирусот.

Scroll to Top