Канадската пејачка, текстописец, продуцент и визуелен уметник Клер Елиса „Гримс“ Бучер во средата попладне објави топлес фотографија со својот фотошопиран фетус во стомакот, пренесува Business Insider.
Гримс нема наслов на фотографијата, но одговорила на коментар на еден корисник и потврдила дека е бремена. Корисникот ја пофали дека ги покажа брадавиците, нешто што жените на Инстаграм не смеат да го прават.
„Мислев да ги цензурирам (брадавиците), но фотографијата е помалку дива без брадавици (ова може да се отстрани во секој случај). Да се биде бремена е дива и воинствена состојба на умот. Како и да е, повеќето мои пријатели ми рекоа да не ги објавам, а потоа ме обзема обратната психологија, го насминав срамот и решив дека мојата непријатност со сопственото тело е чудна омраза.”
Како што предвидe Гримс, Инстаграм ја отстрани нејзината „дива“ фотографија, па пејачката повторно ја објави цензурираната верзија на истата фотографија. Овој пат, ги прекри брадавиците со плетенки. „Цензурирано за Инстаграм – скоро и се оддалечив“, напиша Гримс покрај цензурирана фотографија.
Гримс во моментов е во врска со извршниот директор на Тесла, Илон Муск, но тој допрва треба да ја потврди нејзината објава со фетусот . Двојката ја потврди врската во 2018 година со тоа што беа заедно на „Мет Гала“, но „Mashable“ пишува дека раскинале истата година. Прекинот, според шпекулациите, бил привремен.
Гримс сепак не објави дека бебето е негово. Таа ниту официјално не потврди дека е бремена. Во секој случај, ТМЗ пишува дека американскиот политичар во трката за претседателски кандидат на Демократската партија, Ендру Јанг, веќе му честитал на парот на бременоста.
Муск од претходниот брак има пет сина – близнаци и тројка. Доколку оваа објава се покаже дека не е шега, тоа ќе биде прво дете на пејачката.
