Дева Касел, ќерката на Моника Белучи вчера ја „украде“ ревијата на Диор на модната недела во Париз. Таа на ревијата се појави во широки тегет панталони и корсет во иста боја, а на себе носеше блејзер во тон со комбинацијата.
Едноставно, стилски избалансирано, и многу ефикасно и елегантно. Долгата црна коса и минималната шминка само го подобрија глам впечатокот.
Дева, која сега е заштитно лице на познатиот бренд „Долче и Габана“, како и нејзината славна мајка е на насловните страници на францускиот магазин „Ел“, а заедно со неа се фотографира и на насловната страница на италијанскиот „Вог“.
Моника Белучи од бракот со Винсент Касел, со кого се разведе, ги има ќерките Дева и Леона.
