Израелската актерка Гал Гадот (36), која стана позната по улогата на Вондер Вуман, се породи со третото дете и повторно женско. Таа објави фотографија од своето семејство на Инстаграм и откри дека бебето се вика Даниела.
„Не можам да бидам посреќна и поблагодарна и поуморна. Сите сме многу возбудени што ѝ посакуваме добредојде на Даниела во нашето семејство“, напиша актерката.
Таа веќе има две ќерки во бракот со Јарон Варсано, деветгодишната Алма и четиригодишната Маја. Кога во март потврди дека е бремена, Гадот не го откри полот на бебето.
