(Галерија) Со 10 илјади украси, 41 елка и фотографии од поранешните претседатели Џил Бајден ја накити Балата куќа

By

Првата дама на САД, Џил Бајден, ја украси Белата куќа за божикните и новогодишните празници. Во ходниците и просториите на Белата куќа се наоѓаат многубројни новогодишни елки украсени со мотиви за претстојните празници. Темата на првиот Божик на семејството Бајден во Белата куќа е „Подароци од срце“.

dobivaj vesti na viber

Првата дама на својот официјален профил на „Твитер“ објави фотографија од официјалната елка на Белата куќа, која се наоѓа во Сината соба.

„Инспирирани од делата на добрина и искуства, кои ни го кренаа расположението оваа година, украсените простории во Белата куќа ги одразуваат подароците од срце што нѐ обединуваат сите: вера, семејство, пријателство, уметност, учење, природа, благодарност, услуга, заедница, мир и единство“, напишала Џил Бајден.

Белата куќа/Фото/EPA-EFE/JIM LO SCALZO

Меѓу украсите е и џиновската Бела куќа од медени колачи, која им оддава почит на работниците од првата линија што истрааја во текот на пандемијата на коронавирусот, а официјалната елка висока 5,5 метри ги слави даровите на мирот и единството, соопштила Белата куќа.

Фото: EPA-EFE-JIM-LO-SCALZO2

Додека семејството Бајден го прославуваше Денот на благодарноста во Масачусетс, повеќе од 100 волонтери го почнале украсувањето на вилата, вклучително и на Овалната канцеларија, со 41 новогодишна елка, речиси два метра лента и повеќе од 10.000 украси, пренесува АП.

Фото: EPA-EFE-JIM-LO-SCALZO3

Северната и јужната страна на зградата се украсени со 25 венци, а речиси 79.000 светилки ги осветлуваат новогодишните елки, венчињата и другите празнични украси.

На една од елките се наоѓа необичен интересен украс. Како што може да се види на фотографиите, елката е украсена со фотографии од претходните жители на Белата куќа, па така покрај фотографиите на Џо и Џил Бајден, на елката се наоѓаат фотографии од Барак и Мишел Обама, Доналд и Меланија Трамп, како и Џеки и Џон Кенеди.

фото: епа-ефе

Ќе ви се допадне