Гвен Стефани присуствуваше на откривањето на ѕвездата во Холивуд со нејзините три сина и сопругот Блејк Шелтон, американски пејач на кантри музика.
Во говорот Шелтон ја пофали нејзината посветеност како мајка на 17-годишниот Кингстон, 15-годишниот Зума и деветгодишниот Аполо.
– Стоејќи тука речиси 10 години откако ја запознав, можам да кажам дека да се биде мајка и понатаму е најважната работа во нејзиниот живот – им рекол тој на насобраните.
– И морам на сите да ви кажам дека ова е реткост во овој бизнис. Денеска е убаво да се види како ја почестуваат за нејзиниот спореден проект, кој е една од најголемите ѕвезди во светот. Од музика, телевизија и филмови до мода и убавина, таа повторно и повторно се искачуваше на врвот, со нејзиниот уникатен стил кој го натера светот да се заљуби во неа. Но, не толку како мене, рекол нејзиниот сопруг.
Стефани по церемонијата изрази благодарност на Инстаграм.
„Кој би помислил дека оваа девојка од Анахајм ќе има своја ѕвезда на Булеварот на славните во Холивуд. Ти благодарам што чекореше по овој пат со мене, пееше со мене сите овие години. Те сакам“, напиша Стефани.
