Касиљас и Сара се соочуваат со нова животна драма

By

Девојката на шпанскиот голман Икер Касиљас, Сара Карбонеро објави на социјалните мрежи дека повторно се соочуваат со нова животна драма, откако нејзините лекари и дијагностицирале малиген тумор.

Сара сподели дека семејството сеуште се нема опоравено од незгодата која голманот на Порто ја доживеа на неговиот последен тренинг и дека животот повторно и донесе непријатно изненадување.

„Се уште се немавме опоравено од стравот, а животот повторно ни донесе изненадување. Овојпат преку мене, зборот од шест букви што се уште се мачам да го напишам. Пред неколку дена бев на преглед и докторот ми откри малиген тумор. Веднаш бев оперирана, хируршкиот зафат мина многу добро и за среќа болеста беше забележана во рана фаза. Се уште ме очекуваат неколку месеци борба, продолжувам со третманите и убедена сум дека се ќе се заврши добро, дека ќе има хепиенд. Сметам на поддршката од семејството и пријателите и фантастичниот медицински тим“, напиша Сара Карбонеро на Инстаграм.

Легендарниот голман на Порто и на шпанската репрезентација Икер Касиљас, се уште заздравува од срцевиот удар кој неодамна го доживеа, а сега се соочува со нова животна драма.

Ќе ви се допадне