Актерката Линда Хамилтон во пресрет на новото продолжение на култниот филм „Терминатор“, Terminator: Dark Fate, проговори за двата свои пропаднати брака и нејзината апстиненција од филмската сцена.
„Во светскиот џет-сет сум најмалку 15 години. Човек престанува да брои затоа што едноставно е неважно. Или е барем неважно само за мене. Мене ми е сеедно. Секој ден имам романтична врска во својот свет и луѓето со кои сум опкружена“, изјавила Линда за The New York Times.
Денес 71 годишниот Шварценегер и 62 годишната Линда повторно ќе глумат заедно. Многумина веруваат дека актерката на сите можни начини се обидува да се промовира себе си и новото продолжение на филмот.
Во 1991 година почнала да живее со режисерот на „Терминатор“ Џејсон Камерон, набрзо откако тој се развел од Кетрин Бегелоу. Двојката ја има ќерката Џозефина, која е родена 1992 година. Четири години подоцна, двајцата се венчале, а нивниот брак траел две години. Нивниот развод чинел 50 милиони долари.
Линда подоцна признала дека имала биполарно пореметување и дека пати од депресија, што довело до крах на двата нејзини брака, а проговорила и за тоа дека имала суицидални мисли од првиот брак.
Актерката доживеала и трајно оштетување на слухот за време на снимањето на „Терминатор 2“, кога почнала да пука во лифт без слушалки. Во некои случаи истакнала дека е осамена, но смета дека на светот не постои личност која толку ужива во самотијата како таа.
35 години по прикажувањето на првото продолжение на франшизата „Терминатор“, која ги прослави Арнолд Шварценегер и Линда Хамилтон, главните јунаци од култниот филм на есен ќе ги гледаме во новото продолжение на Terminator: Dark Fate.
