Актерката Сара Џесика Паркер ја поддржала својата колешка од серијата „Сексот и градот“ Синтија Никсон на изборите за гувернер на сојузната држава Њујорк.
Никсон, која е позната по улогата на Миранда Хобс, овој месец ја најавила својата кандидатура за гувернер.
„Моја сестро од екранот и надвор од него, ги имаш мојата љубов, поддршка и глас“, навела Паркер, која во серијата ја глумеше Кери Бредшо.
Паркер на постот на Никсот на „Инстаграм“ ја опишала својата колешка како мајка, активистка, борец, њујорчанка и драга пријателка.
Изборите за гувернер на Њујорк ќе бидат одржани на 6 ноември, кога ќе биде и гласањето за Конгресот.
Актуелниот гувернер, демократот Ендру Куомо, според анкетите, има убедлива предност во однос на Никсон.