Поранешната прва дама на Америка, Мишел Обама, откри како ќе изгледа насловната страница од нејзинта нова книга со мемоари, насловена Becoming. Во книгата ќе има и никогаш претходно објавени фотографии од нејзиниот приватен живот.
Мишел веќе сподели некои од фотографиите кои ќе се најдат во книгата, меѓу кои една од нејзиното детство и една од венчавката со Барак Обама.
„Додека ја подготвувам книгата за објава оваа есен, се надевам дека ќе ја доживеете како своја приказна и дека ќе ви помогне во верувањето дека можете да станете тоа што ќе посакате. Вашата приказна е она кое го имате сега и што секогаш ќе го имате. #Becoming“, напиша Мишел на фотографијата.
Книгата ќе биде објавена во ноември на 25 светски јазици. Милион копии ќе бидат донирани на непрофитната организација First Book.