„Твитер“ профилот на актерката Џесика Алба бил хакиран откако на него биле забележани неколку навредливи, расистички и сексистички коментари, пишуваат светските медиуми.
„Нацистите не направиле ништо лошо“ и „Слушајте ги жените, постои причина зошто Господ ги направил мажите посилни“, се само дел од објавите полни со говор на омраза кон жените, хомосексуалците и Афроамериканците.
Актерката засега се нема огласено по ваквиот инцидент, а фановите коментираат дека биле изненадени објавите на нејзиниот профил. Некои од нив чекаат објаснување, а други дури и извинување.
Актерката пред нешто повеќе од месец дена беше во посета на Дубровник, на фестивалот New Europe Market.
