Претстојниот документарец за животот на Тина Тарнер е нејзино збогување со фановите, вели нејзиниот сопруг Едвин Бах. Филмот е сниман во два дела, а премиерата е за овој викенд. Филмот ќе ги следи подемот на Тарнер кон славата, насилниот брак со Ајк Тарнер и воскреснувањето како рок-икона во осумдесеттите. Иако таа престана да настапува во 2009, неодамна објави мемоари и лансира мјузикл за својот живот.
Режисерот Ден Линдзи вели дека Тарнер го замислила документарецот, едноставно да има наслов „Тина“ .
„Ја ценам целата љубов кон мене, но јас завршив. Уморна сум, сакам да живеам пензионерски живот“, вели 81-годишната пејачка во филмот.
Во првите 15 години од кариерата таа беше тесно поврзана со Ајк Тарнер, кој ѝ го промени името од Ана Меј Булок во Тина Тарнер. Во филмот таа опишува како Ајк ја тепал пред да имаат секс и потоа ја терал да оди на сцената и да пее. Филмот открива дека Тарнер се обидела да се самоубие во 1976 година пред да се разведе.
„Делови од филмот ќе ве натераат на солзи, особено кога му нуди прошка на Ајк“, пишува „Њујорк тајмс“.
