Еден од најдобрите тенисери и неговата сопруга наскоро ќе го добијат второто дете, а оваа вест доаѓа неколку месеци откако Рафа ја заврши професионалната кариера.
Познатиот тенисер Рафаел Надал (38) и неговата сопруга Марија Франциска Перељо (36) го чекаат своето второ дете!
Сопругата на Надал е веќе петти месец бремена, а бебето треба да пристигне летово, ексклузивно дознава semana.es.
Двојката веќе го има двеиполгодишниот син Рафа, а полот на второто дете засега е непознат за јавноста.
Рафаел Надал и Марија Франциско Перељо се заедно речиси две децении и ја имаат една од најубавите љубовни приказни.
Тие се венчаа во 2019 година, а неразделни се уште од тинејџерските години.
Веста дека наскоро ќе го прошири семејството ги воодушеви фановите на славниот тенисер, кој ја заврши професионалната кариера во октомври 2024 година.
