Бени Бланко отворено проговори за својата лична хигиена откако снимка од неговите валкани стапала минатиот месец стана вирална на интернет. Музичкиот продуцент, кој е во брак со Селена Гомез, се осврна на расправите на социјалните мрежи за неговиот наводен мирис, а во негова одбрана застана и неговиот долгогодишен пријател Ед Ширан.
„Јас сум тој што изгледа како да не мириса добро“, се пошегува Ед во вчерашната епизода од подкастот на Бланко Friends Keep Secrets, „но ти си човекот со најдобар мирис што го познавам“.
Бени одговори: „Знам! Мирисам добро дури и кога не се туширам“.
Двајцата се согласија дека, ако некој треба да се соочи со критики за својот мирис, тоа би требало да биде ко-водителот на подкастот, раперот Лил Дики.
„Тоа е како задник“, добаци Ед откако го помириса папокот на раперот. „Може ли да добијам нешто за да го отстранам тој мирис?“
Бени додаде: „Мојот не мириса на ништо“.
Бланко се осврна и на тоа зошто стапалата му биле прекриени со нечистотија во претходна епизода од подкастот, што предизвика бурни реакции на интернет.
„Виновен е објектот“, објасни Бени за време на гостувањето на 26 февруари во емисијата Jimmy Kimmel Live!. „Не сум јас“.
Тврдејќи дека има „одлични стапала“, тој додаде: „Нека го зумира некој моето стапало. Погледнете го тоа. Чисто стапало!“
„Ти се допаѓа тоа?“ ја задевал Бени, на што Селена разиграно го удрила и му рекла: „Ма немој од тоа да правиш сцена!“
Објаснувајќи дека 33-годишната пејачка ја гледа како независна жена, Бени додаде: „Се трудам со сите сили да не бидам лудо заљубен во неа и постојано да сакам да ја бакнувам и да скокам по неа. Затоа гледањето како ми го бакнува прстот на ногата навистина ми го разубави денот“.
Фото: ЕПА
