Почина Џон Синглтон, првиот афроамерикански режисер номиниран за Оскар

By

Американскиот режисер Џон Синглтон, чиј филм Boyz n the Hood во 1991 година стана симбол на новиот бран на афроамериканската кинематографија, почина во понеделникот, соопштило неговото семејство.

Синглтон (51) доживеал срцев удар на 17 април и од тогаш бил во кома. Синглтон е првиот афроамерикански режисер номиниран за престижниот Оскар во 1992 година во категоријата за најдобра режија за остварувањето на Boys n the Hood.

Станува збор за приказна за криминалот и насилството во квартовите на Лос Анџелес каде што претежно живеат Афроамериканци. Синглтон снимил неколку филмови за условите во кои живеат Афроамериканците во САД, меѓу кои се и Poetic Justice (1993) и Four Brothers (2005).

Синглтон во своите филмови предност им давал на црните глумци, како и музичарите. Во неговите остварувања се појавиле раперите Ајс Кјуб, Снуп Дог и Баста Рајмс.

 

 

Ќе ви се допадне