Почина актерот Џон Шалис, популарниот Бојси од серијата „Сплетки“

Актерот Џон Шалис почина на 79 години по долга борба со ракот, пренесува „Мирор“. Тој беше најпознат по улогата на Бојси во хумористичната серија „Сплетки“.

„Со тешко срце ве известуваме дека нашиот и ваш Џон почина мирно, во сон, по долга борба со ракот“, велат од семејството. Тој секогаш ќе биде сакан поради улогата на Бојси. Остави големо наследство со својата работа и ќе продолжи да носи задоволство и смеа уште многу години“, стои во соопштението од неговото семејството.

Англискиот актер сер Дејвид Џејсон, најпознат по улогата на Дел Бој во серијата „Сплетки“, преку Фејсбук се прости од Шалис, со кого бил пријател преку 40 години.

„Тешко ми е да размислувам за свет во кој го нема Бојси. Тој беше прекрасен човек, одличен актер и мој пријател“, напиша тој.

Шалис ја почна својата ТВ-кариера во 1967 година, глумејќи во филмовите „Новодојденците“ и „З-автомобили“. Глумеше и во „Улица за крунисување“, „Доктор Ху“, „Отвори ги сите часови“ и безброј други емисии. Последниот филм, „Сон и подземје“, го сними во 2001 година.

 

Scroll to Top