Легендарната актерка Бети Вајт почина на 17 дена пред нејзиниот 100-ти роденден. Таа на 17 јануари требаше да наполни 100 години, но, за жал почина утрото на Нова година. Семејството и пријатели кои се надеваа дека Вајт ќе ја стигне златната 100, ја споделија тажната вест.
Засега не се познати детали за смртта на Бети, освен дека таа починала дома. Таа минатата недела за магазинот „People“ зборуваше дека е добра и во одлична фомра.
„Се обидувам да избегнам сè што е зелено. Мислам дека тоа функционира“, откри таа како тајна за нејзиното добро здравје.
Во исчекување на 100-тиот роденден се подготвуваше документарец, а глумицата само пред неколку дена лично ги покани сите свои фанови да ѝ се придружат за да прослават.
Бети Мерион Вајт Ладен е родена на 17 јануари 1922 година и ја имаше најдолгата телевизиска кариера на женски забавувач во историјата. Таа беше првата жена што продуцираше ситком.
Честопати беше нарекувана пионер во забавната индустрија. Вајт беше легендарна актерка и комичарка. Кариерата ѝ траеше повеќе од 75 години и имаше заработено 8 Еми награди, 3 американски награди за комедија и 3 награди на Здружението на актерите на екранот.
Вајт имаше и своја ѕвезда на Булеварот на славните во Холивуд, која и беше доделена во 1988 година. Најпозната е по улогата на Роуз Ниланд во хит ситкомот, „Golden Girls“ и како Сју Ен Нивенс во шоуто на Мери Тајлер Мур. Последна улога и беше во серијата „Hot In Cleveland“.
Таа глумеше и на „Crowded“ на „NBC“ и „Bones„ на „Fox“. Беше и домаќин на „Saturday Night Live“ во 2010 година. Освен глумцата, поголемиот дел од времето го помина и во застапувањето на правата на животните. Беше поврзана со зоолошката градина во Лос Анџелес.
Бети се омажила 3 пати, за пилотот на американскиот армиски корпус Дик Баркер во 1945, за холивудскиот агент Лејн Ален со кого беше во брак од 1947 до 1949 и за телевизискиот водител Ален Ладен во 1963 година. Ладен почина во 1981 година од рак на желудникот.
По неговата смрт Бети никогаш не се премажи, а зад себе ги остави трите посиноци, кои се од првиот брак на Луден.
Бети Вајт ќе го слави 100. роденден во кино и сите се поканети
