Британската принцеза Шарлот, помалото дете на војводата и војвотката од Кембриџ, во понеделникот тргна во градинка.
Од Кенсингтонската палата објавија две нејзини фотографии на „Твитер“.
Фотографиите ги направила нејзината мајка, Кејт Мидлтон, еден час пред принцезата да тргне во градинката Вилкокс, во западен Лондон. Градинката е основана во 1964 година и е сместена недалеку од Кенсингтонската палата.
Градинката наплатува околу 16.500 евра за една година, и за време на последната официјална инспекција во 2012 година оценета е како извонредна.
The Duke and Duchess of Cambridge are very pleased to share two photographs of Princess Charlotte at Kensington Palace this morning. pic.twitter.com/dDIOZdA7aM
— Kensington Palace (@KensingtonRoyal) 8 January 2018
Шарлот, помалата сестра на Џорџ, во мај ќе наполни три години. До тогаш Шарлот ќе стане постара сестра затоа што кралското семејство очекува принова во април.
