Пејачот Шон Мендес објави дека го откажува остатокот од турнејата за да направи пауза поради менталното здравје. Медиумите пренесуваат дека доживеал нервен слом.
„Морав да ги одложам последните неколку недели од концертите, бидејќи не бев целосно подготвен за данокот што ќе ми го земе враќањето на пат. Ја започнав оваа турнеја возбуден што конечно ќе се вратам да пеам во живо по долга пауза поради пандемијата, но реалноста е дека бев целосно неподготвен за тоа“, изјавил пејачот.
Мендес рече дека откако разговарале со неговиот тим и група здравствени работници дошле до заклучок дека треба да земе одмор што никогаш не го земал лично за да може да се смири и да врати се посилен.
„Ветувам дека ќе се вратам веднаш штом ќе одвојам доволно време за да заздравам. Ве сакам сите и ви благодарам на сите што ме поддржувавте и останавте со мене на ова патување“, рече Мендес.
Пејачот алудираше на неговите проблеми со менталното здравје во април кога им кажа на фановите дека му е тешко да ја каже вистината за себе.
