Многу девојки се обидуваат да го копираат стилот, фризурите и мејкап триковите на Анџелина Џоли. Таа во едно скорешно интервју откри неколку детали поврзани со своите ритуали за убавина, за навиките и за проблемите со кои се соочувала.
Што научила од мајка си за убавината
„Секогаш кога бев вознемирена, мојата мајка ќе кажеше: Отвори ја душата за мене. Секој има свој концепт за убавина, но верувам дека најубавата работа е интелектот. Човек со јасни мисли кој знае како треба да размислува е многу секси. Не постојат поатрактивни квалитети од промисленоста и чувствителноста. Ниедна козметика нема да скрие празна глава и грубо срце“.
За стареењето
„Сега, кога се гледам во огледало, сè повеќе и повеќе ја гледам својата мајка, а оваа сличност ме радува. Знам да стареам и ги прифаќам овие промени. Тоа значи дека живеам и стареам. Секако, не ги сакам темните дамки по кожата и други недостатоци. Но се сакам себеси и своите години“.
За козметиката што ја користи
„Главен производ ми е коректорот. Се чувствувам многу поудобно кога ми е во чантата. Доколку се работи за вечерно излегување користам црвен кармин. Јас носам само една посебна нијанса на црвена боја. Имам и туш за очи во црна боја и маскара. Мојата козметичка торба е прилично здодевна“.
За проблемите со кожата
„Од мојата единаесетта година периодично имам темни дамки по кожата. По бременоста, овие дамки станаа поизразени. Затоа, од време на време користам ИПЛ третмани“.