Американската пејачка Тејлор Свифт го урна рекордот на Мајкл Џексон по бројот на освоени награди на Американските музички награди (АМА). Таа вчеравечер освои шест награди – женски поп-рок изведувач, најдобар поп/рок албум, омилен изведувач, спот на годината за You Need to Calm Down, изведувач на годината, а беше прогласена и за изведувач на десетлетието. Сега Тејлор има вкупно 29 статуетки, пет повеќе од „крал на попот“.
„Овој албум навистина го доживеав како нов почеток. Си го сакам и новиот рекорд – и на национално и на државно ниво“, рече Тејлор на настанот.
Освен Свифт, награди освоија и Били Ајлиш за најдобар нов изведувач, Калид е најдобар машки поп/рок изведувач, најдобра поп/рок песна е Without Мe на Халси, соработка на годината е Señorita на Шон Мендез и Камила Кабело, а омилена филмска музика е „Квин“ за филмот „Бомска рапсодија“. Најдобар рап/хип-хоп изведувач е Карди Би, а најдобри кантри изведувачи се Кејн Браун и Кери Андервуд.
