Глумецот Том Харди (44) е избран за најсекси маж во Велика Британија. Анкетата ја направи весникот „Сан“. Харди неодамна го промовираше вториот дел на хитот „Веном“, а фановите со нетрпение очекуваат да излезе филмот за Ал Капоне, каде што тој го глуми ликот на еден од најозлогласените гангстери на сите времиња.
„Том е миленик на жените ширум светот. Неговиот беспрекорен изглед и шармот ги воодушевуваат фановите. Добар сопруг и галантен маж, па не е ни чудо што е избран за најатрактивен“, стои во објаснувањето на „Сан“.
На второ место е актерот Даниел Крег (53) кој се прослави со улогата на Џејмс Бонд, а трет е Том Холанд кој е познат како последниот Спајдермен. На четвртото место е Том Џонс (81), па следат Хенри Кавил, Роби Вилијамс, Том Хидлстон, Марк Рајт, Дени Даер и десетти е Хари Стајлс.
