(Видео) Боб Дилан првпат во кариерата на врвот на Билборд листата

Со песната Murder Most Foul, посветена на убиениот американски претседател Џон Кенеди, Боб Дилан првпат во кариерата се најде на врвот на топ листата на Билборд. Песната која трае 17 минути зборува за атентатот врз некогашниот претседател Кенеди. Оваа песна за неколку дена стана најпродаваниот дигитален рок-сингл. Дилан ја објави песната на 27 март, а до 2 април е преземена 10.000 пати.

Ова е прва авторска песна на Дилан што ја има издадено по албумот Tempest во 2012 година.

Боб Дилан е првиот рокер кој ја доби Нобеловата награда за литература. Тој неколкупати изјави дека во кариерата му останало уште да се најде на првото место на најпознатата светска топ листа за да може да каже дека постигнал сè.

Scroll to Top