Првата дама на САД, Џил Бајден, вчера за Денот на шегата, се облече како стјуардеса и ги почести новинарите по еден сладолед, како дел од својата шега.
Во своите мемоари објавени пред две години, г-ѓа Бајден пишува: „Секогаш велам – укради си радосен миг, секогаш кога можеш.“ Таа вели и дека сака да се шегува…
Така, вчера покани група новинари на лет со неа од Калифорнија до главниот град Вашингтон. Среде летот, стјуардесата Џазмин со маска преку долната половина на лицето и црна перика, ги почести новинарите со сладолед и се повлече во својот простор.
Кусо потоа, „стјуардесата“ се врати меѓу патниците, без маска на себе и сите сфатија дека таа е, всушност, г-ѓа Бајден.
Како што велат, освен новинарите, и соработниците на првата дама биле исто толку изненадени од шегата.
Jill Biden plays April Fools’ Day prank by dressing as a flight attendant to hand out Dove ice cream bars on Air Force One https://t.co/SaEVLHQOFE
— Daily Mail US (@DailyMail) April 2, 2021
