Сопругата на Брус Вилис, Ема Хеминг Вилис, објави видео од глумецот старо 35 години. Таа често споделува убави спомени и бројни успешни моменти од неговата богата кариера.
Овој пат на Инстаграм сподели видео од 1987 година, кога Брус Вилис со групата The Temptations, ја изведе песната Under The Boardwalk. Видеото го погледнаа повеќе од милион фанови.
View this post on Instagram
„Моето мото е никогаш да не дозволите стравот да ве спречи. За мене стравот постојано беше пречка, а тоа беше уште една причина зошто се заљубив во мојот сопруг. Стравот никогаш не беше пречка за него. Каква само самодоверба морате да имате за да бидете главен вокал со The Temptations?“, рече Ема.
„Можете да речете што сакате, а богами многумина и зборуваа, но овој човек отсекогаш го водела страста и никогаш не дозволи да биде обесхрабен од никој. Поради тоа многу го ценам, сакам и му се восхитувам“, додаде Ема и призна дека грижата за него влијаела на нејзината психичка состојба.
За потсетување, Брус Вилис се повлече од Холивуд, откако му беше дијагностицирана афазија, пореметување кое влијае на неговите когнитивни способност.
