Ѕвездата на „Game of Thrones“ се разведува од музичарот: Нивниот брак е во криза со месеци, открија детали
Актерката Софи Тарнер, која се прослави со улогата на Санса Старк во серијата „Игра на тронови“, наводно се разведува од музичарот Џо Џонас.
Според ТМЗ, Џо веќе контактирал со најмалку двајца адвокати во Лос Анџелес и наскоро ќе поднесе документи за развод.
Според извор близок до парот, двајцата имаат проблеми во бракот околу шест месеци, иако се обидувале тоа да го скријат од јавноста. Џонас во последните три месеци се грижеше за нивните две деца, дури и додека беше на турнеја со бендот, а децата се уште се со него во Америка, бидејќи тој моментално настапува таму.
Споменатиот медиум пишува и дека пејачот последните недели во јавноста се појавува без бурма, како и дека со Софи неодамна ја продале вилата во Мајами која ја купиле пред само една година.
За потсетување, двајцата се во врска од 2016 година, а се венчаа во 2019 година. Ќерката Вила ја добија во 2020 година, а две години подоцна добија уште една ќерка.
