(Видео) „Фјуџис“ одржаа прв концерт откако бендот се распадна пред 15 години

Легендарниот хип-хоп бенд „Фјуџис“ е повторно заедно по 15 години. Лорин Хил, Вајклиф Жан и Прас Мишел најавија дека спремаат нова музика и дека наскоро ќе тргнат на светска турнеја, прва по 25 години.

Турнејата на која ќе посетат 12 градови, почна во Њујорк, а тие ќе имаа концерт пред малкубројна публика. Потоа продолжуваат со настапи во неколку града низ Америка, па Лондон и Париз, а ќе свират и во Нигерија и Гана.

„Бендот има сложена, но влијателна историја. Не бев ни свесна дека поминаа 25 години од нашата последна турнеја“, рече Лорин Хил за медиумите и додаде дека така дошла на идејата бендот пак да се обедини.

И покрај тоа што беа заедно само пет години и снимија два албума, „Фјуџис“ оставија трајно влијание врз светот на хип-хопот. Првиот албум Blunted on Reality го објавија во 1994 година. Две години подоцна, со издавањето на албумот The Score, и песната Killing me softly, станаа познати во цел свет, добија Греми, а албумот стана еден од најпродаваните албуми на сите времиња.

Групата се собра во 2005 година за синглот Take It Easy, но по ова сите продолжија со своите соло кариери.

Scroll to Top