Вечерва ќе се одржи балетската претстава „Сви марш на плес“ во салонот на МОБ во 20.30 часот.
Како што велат организаторите, во претставата учествуваат танчери и уметничка екипа од Хрватска, Словенија, Босна и Херцеговина, Србија и Македонија. Кореограф е познатиот и веќе докажан Игор Киров, драматург е Горан Головко, музиката е на групата „Бијело дугме“, а светло мајстор е Амир Ахиќ.
Балетскиот ансамбл го сочинуваат Бранко Митровиќ, Јакша Филиповац, Лука Живковиќ, Енди Шротер, Емир Фејзлиќ, Мојца Мајцен, Теодора Радивојевиќ, Зулејха Кецо и Ана Кузмановиќ.
Настанот е во рамки на 42. издание на манифестацијата „Скопско лето“.
