Жена во Бразил е уапсена во Сао Пауло кога било откриено дека имала лажен труднички стомак, кој бил лубеница, во која биле скриени речиси три килограми кокаин. Неименуваната жена, според полицијата, се качила на автобус за Рио де Жанеиро со лубеницата полна со дрога и се обидела да се претстави како да е во поодмината бременост.
Полицијата добила дојава дека некој пренесува дрога во автобусот по што ја претресле и жената и ја откриле нејзината маска.
Бразил во последните години израсна во еден од главните снабдувачи со кокаин на европскиот пазар, а се верува дека организираните банди, кои работат со дрогата, се инфилтрирани во пристаништата, од каде што кокаинот се испорачува кон Европа. Според бразилските власти, бизнисот со кокаин во Бразил се проценува на речиси 10 милијарди долари годишно.
