Играниот филм „Дедо и внук“, снимен по сценарио и во режја на Илија Пиперкоски, ќе се најде на програмата на шест престжни филмски фестивали. Филмот ќе се прикажува на Buenos Aires International Film Festival, Osaka International Film Festival – OIFF, Stockholm City Film Festival, Dallas Independent Film Festival и Prisma Rome Independent Film Awards, International film Festival – Sweden.
„Станува збор за престижни филмски фестивали, на кои се пријавуваат преку 1500 филмови за да бидат дел од официјалната селекција“, велат продуцентите на филмот кој досега доби шест награди на познати фестивали низ светот, меѓу кои и за најдобар странски филм на Independent Film Awards во Лондон.
Филмот раскажува за проблемите со здравството, политиката, корупцијата, но и обични човечки приказни и односи момче-девојка, татко-син и дедо-внук. Фо „Дедо и внук“ глумат Салаетин Билал, Дејан Лилиќ, Даниела Ивановска, Горан Стојаноски, Благој Веселинов и други.
