Иранска полиција уапси една 18-годишна девојка поради видеоснимки објавени на „Инстаграм“ на кои таа танцува, со што привлекла десетици илјади следбеници.
Тинејџерката е обвинета за кршење на моралните норми.
Девојката од своја страна се бранела дека немала намера да прекрши никакви норми, туку само сакала да привлече што поголем број следбеници.
Таа на својот прифил на „Инстаграм“ објавила околу 300 видеозаписи на кои изведува ирански традиционални, но и западни танци, при што на снимките се појавува без марама на главата, која е задолжителна за жените во Иран кога се појавуваат во јавност, пренесува МИА.
По овој случај, иранската полиција најави дека има намера да угаси повеќе профили на „Инстаграм“ кои содржат „недолични“ содржини.
Во Иран е забранет пристапот до социјалните мрежи „Фејсбук“ и „Твитер“ и до платформите „Јутјуб“ и „Телеграм“, но многу Иранаци пристапуваат до нив преку посредници или преку провајдерот ВПН.
