Хакерот Кристофер Вајли кој ја открил најголемата кражба на податоци во историјата на Фејсбук, денеска се појавил пред британскот парламент.
По откривањето на скандалот во кој се украдени податоци од 50 милиони корисници на Фејсбук, Кристофер Вајли во вторникот се состанал со Одборот за дигитални медиуми, култура, медиуми и спорт на британскиот парламент. Вајли работел за компанијата Кембриџ Аналитика, која користела украдени информации за да влијае на резултатите на изборите. Британските власти изјавиле дека покренале истрага за можното влијание на кампањата за Брегзит.
Вајли пред британскиот одбор изнел шокирачко тврдење за својата работа за компанијата. Изјавил дека неговиот претходник е убиен во хотел во Кенија, а полицијата е подмитена за да не покрене истрага за убиството.
Вајли раскажал дека неговиот претходник Дан Мурсан е отруен откако една од работите во компанијата пропаднала. Но, изјавил дека нема докази за ваквото тврдење, туку истото му било соопштено од страна на другите вработени. Исто така утврдил дека Кембриџ Аналитика била вмешана во низа на илегални активности ширум светот.
Вајли изјавил дека компанијата не е загрижена за законот:
„Не беа загрижени за тоа дали нивните постапки биле илегални или не, туку работата ќе биде извршена или не. Додал и дека влијаеле на изборите ширум светот и дополнил – Така изгледа модерниот колонијализам -“.
Навел дека фирмата учествувала и во британската кампања за Брегзит.
Вајли во вторникот исто така изјавил дека една од главните причини поради која се одлучил да проговори за случајот бил изборот на Доналд Трамп за американски претседател.
„Не би рекол дека тоа го направив само поради Доналд Трамп, но поради него сватив дека се работи за исклучително големо влијание. Сметам дека таквите операции со информации во воен стил не прилекуваат на ниту еден демократски процес“, вели Вајли.
Вајли открил дека Кембриџ Аналитика, компанија во сопственост на милијардерот Роберт Мерсер, користела лични информации на превземање без дозвола во 2014 година, за создавање на програма која ги профилира американските гласачи, за да може да влијае на персонализованите политички реклами. Компанијата е во сопственост на инвестицискиот фонд Мерсер, кој во тоа време го водел советникот на Трамп Стив Бенон.
Хакер изјавил дека претходно не излегол во јавноста поради стравот дека Мерсер, милијардерот кој ги поддржува републиканците, би го уништил.
