Левичарот Габриел Бориќ (35), кој има хрватски корени, победи на претседателските избори во Чиле. Тој ќе биде еден од најмладите лидери на светот. Тој го победи својот ривал, десничарот Хосе Антонио Каст, освојувајќи 56% гласови, додека Каст освои 44%.
Тие беа кандидати на партиите кои никогаш не биле во владата, а во текот на својата кампања понудија различни програми и споделија различна визија за иднината на земјата. Овие избори се сметаа за едни од најподелените избори во Чиле во изминатите децении, кои се одржаа по масовните антивладини протести.
Бориќ ги поддржуваше масовните демонстрации против нееднаквоста и корупцијата кои го тресеа Чиле во 2019 и 2020 година. Иако некогаш земјата имаше најстабилна економија во Јужна Америка, денес таа ја има една од најголемите разлики во приходи во светот, при што еден процент од населението должи 25% од богатството на земјата.
Бориќ е роден во 1986. Неговиот татко е Хрват кој емигрирал во Чиле пред четири децении.
