Магичен збор со кој ќе привлечете голем број клиенти и потрошувачи

By

Способноста да бидете убедливи во своите приказни и понуди е неверојатно вредна во денешниот деловен свет. Убедувањето е пресудно за успешни деловни преговори, управување со човечките ресурси, за потикнување на тимската соработка, а особено важно е во сите облици на маркетингот.

Купувачите денеска секојдневно се затрупани со илјадници промотивни пораки од сите страни. Вложувањата во огласувањето растат, но истовремено се намалува довербата во огласите. Токму затоа на секој маркетиншки менаџер неопходни му се тактиките на убедување.

Дури и ако сметате дека не сте нешто посебно убедливи, не треба да се грижите затоа што можете да ги подобрите своите вештини на убедување користејќи некои стари добри психолошки тактики, кои се развиени и сè уште се развиваат од година на година со психолошки експерименти и научни трудови.

Ви претставуваме една од нив, онаа што даде прост рецепт за успех.

Експеримент машина за копирање

Еден таков експеримент во 1978 година спровела Елен Лангер, професорка по психологија на „Харвард“. Денеска тој експеримент вообичаено се нарекува експеримент машина за копирање.

Во него Лангерова ги исполнувала и мажите и жените, а нивната задача била да се обидат да ги заобиколат луѓето што чекале во ред и да се пробијат низ метежот до апаратот за фотокопирање во кампусот на колеџот. И двете групи испитаници приоѓале до секој од 60-те луѓе и побарале да застанат во редот пред нив користејќи едно од трите прашања.

 

  • Само барање: Простете, имам 5/20 страници. Може ли да го употребам апаратот за фотокопирање?“
  • Плацебо-ефектот: „Извинете, имам 5/20 страници. Може ли да го употребам апаратот за фотокопирање затоа што морам да направам копии?“
  • Вистинска информација: „Извинете, имам 5/20 страници. Може ли да го употребам апаратот за фотокопирање затоа што брзам?“

А дали учесникот користел 5 или 20 страници зависело од тоа колку страници имала личноста на која ѝ се обраќале. Во некои случаи учесниците барале мала услуга каде што сакале да поминат преку ред затоа што имале помал број страници за копирање за разлика од лицето што било пред нив. Така, го користеле бројот пет кога би забележале дека лицето пред нив има голем број страници за копирање. Во другите случаи молбата била уште поголема затоа што учесниците барале да ископираат 20 страници, а лицето на кое му се обраќале имало само неколку страници.

 Резултати од студијата

 

  • Кога учесниците во експериментот ќе упателе молба без наведената причина (само барање), 60 отсто од луѓето што на учесниците им се обраќале ја исполнувале молбата и им овозможиле на учесниците да минат во редот пред нив.
  • Кога учесниците од експериментот молеле преку плацебо-ефектот, огромен број луѓе, дури 93 отсто од нив, ги пуштале да застанат во редот пред нив.
  • Кога учесниците ги користеле вистинските податоци, 94 отсто од луѓето ги пуштале преку ред.

 

Со други зборови, едноставно, кажете ја причината – вистинската или со плацебо-ефектот, и тоа е доволно луѓето да реагираат со одобрение на вашето барање. Кога е во прашање поголемо барање или молба, работите стојат малку поинаку. Само употребата на вистинските податоци дава резултати, но сепак голем број луѓе реагираат со одобрение.

Волшебниот збор „затоа што“

Резултатите што стигнале од истражувањето го довеле до заклучок професор Лангер дека користењето на зборот „затоа што“ значително ја зголемува шансата луѓето да одговорат потврдно на вашата молба или барање.

Упатувањето на барањето или молбата по што следува „затоа што“, а потоа и неколку корисни информации претставени како причина, е доволно да ја освоите согласноста и да гу убедите луѓето да го направат она што вие ги замолувате.

Како денеска можете да го примените ова истражување?

Овие испитувања и заклучоци маркетиншките менаџери може да ги применат во голем број ситуации денеска. Некои од нив се очигледни примери со постигнување тимска рабтота, управување со луѓе и деловни преговори.

Едноставно, користејќи го зборот „затоа што“, откако сте упатиле некое барање или молба до своите вработени или соработници, може да ве доведе го поголем успех во убедувањето. Оваа тактика е корисна за експертите во пишаната маркетиншка содржина. На пример, ако имате некои медицински производ, можете да ја искористите студијата во случај во кој корисниците говорат за тоа како се чувствуваат благодарение на вашиот производ.

Нивната изјава би можела да биде нешто како: „Користам таков производ, затоа што…“

Исто така, размислете и за повиците на акцијата на веб-страниците. Зошто некои би се пријавил за вашиот периодичен имејл-билтен? Или зошто би нарачал некои производ веднаш? Затоа што во тој случај се случува – што?

Во сите овие случаи треба да смислите што иде по тоа „затоа што“, односно кој е тој плацебо-ефект или вистинска информација која ќе ги увери вашите купувачи дека вашиот производ е идеален за нив. Секојпат пред да напишете некоја содржина, иницирајте кампања или споделете нешто на социјалните медиуми и погрижете се да го имате тоа „затоа што“, со кое ќе ги убедите своите купувачи и клиенти во она што го сакате и успехот нема да изостане.
Ако сакате да го совладате знаењето за придобивањето најголем број купувачи на пазарот, но и да научите како да ги задржите, повеќе за тоа можете да дознаете од професионалната обука на следниот линк:

Ќе ви се допадне

My Hero Academia 3 Episode 25 at ANIMEFLIX animeflix danganronpa

Watch Attack on Titan: Wings of Freedom Episode Full at website https://animeheaven.pro animeheaven black clover