Краткиот игран филм „Северен пол“, на режисерката Марија Апчевска, влезе во селекцијата за наградата Златна палма на престојниот 74. Кански фестивал. Ова е првпат краток македонски филм да е во трката за Златна палма.
„Северен пол“ е избран меѓу 10. кандидати за престижната награда, од пријавени 3.739 филмови, објави фестивалот.
Апчевска го снимаше 15-минутниот филм во јануари во Скопје и Македонска Каменица. Таа го напиша сценариото, а во главните улоги играат Антонија Белезелкоска и Лука Митев.
Ова е трет краток фолм на Апчевска, која веќе има освоено награди за филмот „Бардо“ (2012), а го сними и „Амби“ (2017).
