Кошаркарите на Македонија освоија бронза на Специјалната олимпијада што се одржува во Абу Даби. Тие ја победија екипата на Буркина Фасо со 24-18. Кошаркарите ги предводеа тренерите Ана Котевска, Раша Петровиќ и Дејан Дојчиновски.
Претходно, златни медали освоија Марио Мицковски и Стефан Трпковски во пливање, а во атлетика медали освоија Адријан Шабан и Сара Дураку.
Летната специјална олимпијада Абу Даби 2019 е најголем спортски настан со хуманитарен карактер. Учествуваат повеќе од 7000 атлети од 190 земји од светот кои ќе се натпреваруваат во 24 спортови.