Времето до крајот на февруари ќе наликува на пролет, но според најавите на метеорологот кој го консултирале, српски „Информер“ пишува дека на почетокот на март се враќа зимата.
Како што беше најавено од страна на РХМЗ на Србија, до крајот на овој месец просечната температура нема да се спушти под 7 степени, а максималната дневна температура ќе се зголемува до 24 степен.
Метеоролог од Weather2Umbrella, Ѓорѓе Ѓуриќ, за српски „Информер” вели дека во Србија ќе има смена на сонце и дожд и такво време се очекува до крајот на февруари.
– До крајот на месецот температурата ќе биде над просекот за овој период од годината, со сонце и дожд. Во наредните денови температурата ќе оди до 24 степени, а најстудено ќе биде до седум степени. За февруари тоа е многу потопло од вообичаено – вели тој.
Според него, зимата сè уште не е завршена
– Честите промени на топли и свежи денови ќе траат до крајот на февруари, а потоа тоа ќе нè изненади Баба Марта! Веќе во првите денови на март ќе имаме уште еден студен бран. Наутро ќе биде студено со мраз и температура околу нулата, а во некои области ќе има и помалку. Максималната температура нема да го надмине 6. степен. Во овие денови можно е да има снежни врнежи, особено на планините – вели тој.
Со оваа прогноза се согласуваат и вработените од РХМЗ во Србија, чии долгорочни временски прогнози велат дека на почетокот на март ќе има драстичен пад на температурата, наведува српски „Информер”.
