Возачот во прилепската Брза помош, Гоце Илиески (42)за кого Македонија собираше донации за лекување, ја загуби биитката со ковид- 19. Со коронавирусот Гоце се заразил на работното место, спасувајќи животи. Во тешка состојба бил хоспитализиран на една од приватните клиники, а по апелот на социјалните мрежи, масовно се собираа средства за неговото лекување.
На осми март починала мајката на Гоце, но најблиските не му ја кажале лошата вест бидејќи и самиот бил во критична состојба. Од родителите ја имал само неа, бидејќи татко му починал во 2007 година.
И синот на Илиески, дванаесет-годишниот Филип, бил хоспитализиран во клининиката Козле, но по долго боледување е подобар, неодамна информираа блиски пријатели на семејството.
Инаку, Гоце Илиески беше сопруг и татко на две малолетни деца.
