Француската полиција прекина масовна оргија во магацин во предградие на Париз и приведе стотина лица оти ја прекршиле забраната за масовни собири во време на корона.
Полицијата добила дојави за собир на голем број мажи и жени на забава. Иако оргиите меѓу возрасни се легални во Франција, полицијата реагирала заради прекршување на правилата за короната.
„Учесниците во настанот го прекршија полицискиот час, не се носеа заштитни маски и немаше физичко растојание, со што се прекршени неколку закони во време на пандемија. Сите приведени соработуваа со полицијата и никој не пружаше отпор“ изјавил полициски портпарол.
Три лица за кои се верува дека се организатори на оргијата биле уапсени веднаш по претресот, а околу сто лица се приведени, но сите тие се пуштени откако добиле казна за непочитување на мерките во време на корона.
Судот во Париз издаде препорака на луѓето присутни на забавата да им се одржи предавање за основите на сексуалното образование поврзано со ширењето на коронавирусот.
