Најпозната машка порноѕвезда Рон Џереми е обвинет за сексуална злоупотреба и силување на уште 20 жени, вклучувајќи и 15-годишна девојка, објавија обвинителите на Лос Анџелес. 67-годишниот Џереми е веќе обвинет за силување и сексуален напад врз четири жени.
Новите обвиненија се однесуваат за напади што наводно се случиле во 2004 година. Ако го прогласат за виновен, Џереми се соочува со затворска казна од 250 години.
„Едвај чекам на суд да ја докажам својата невиност. Благодарам за поддршката“, напиша Џереми на „Твитер“.
Рон Џереми, кој од 1970 година снимил повеќе од 2.000 порнофилмови, првпат се појави на суд во јуни, кога беше обвинет за силување на две жени и за сексуален напад врз две други.
„Мојот клиент спиел со повеќе од 4.000 жени и жените едноставно му се нафрлале“, изјави тогаш неговиот адвокат и ги отфрли обвиненијата.
Набргу потоа, обвинителите собрале нови обвинувања против Џереми и тие сега вклучуваат вкупно 20 случаи на силување и сексуален напад врз жени на возраст меѓу 15 и 54 години.
