Француска двојка пронашла минијатурна капсула со порака од пруски војник, кој ја испратил пред повеќе од еден век преку гулаб писмоносец. Тие ја однеле во музејот во Орбеј, кој е посветен на една од најкрвавите битки во Првата светска војна. Пораката е на германски јазик, а датумот на белешката не е јасен, но се чини дека е напишана или во 1910 година или во 1916 година.
„Пораката од пешадиецот стациониран во Ингерсхајм, детаљно ги опишала воените маневри и била пратена до неговиот надреден офицер“, рекол Доминик Жарди, кустос на музејот Линж во Орбеј, пренесува „Скај њуз“.
Во тоа време Ингерсхајм – сега во францускиот регион Гранд Ест – бил дел од Германија. Жарди, кој рекол дека ова е „исклучително ретко“ откритие, па замолил пријател од Германија да му помогне да ја дешифрира пораката.
