Првпат по 90 години ќе може да се преспие во куќата на Јулија во Верона

By

Собата на Јулија во историската зграда од 16 век во Верона ќе може да се изнајми на 14 февруари, Денот на вљубените, објави „Аирбиенби“ .

Куќата е магнет за заљубени двојки и обожаватели на драмата „Ромео и Јулија“, иако Шекспир никогаш не ја прецизирал локацијата на домот на Јулија. Дејството на драмата се случува во 16 век во Верона, а главните јунаци Ромео и Јулија ја изразуваат љубовта додека таа стои на балконот.

Во спалната соба ќе биде поставен и оригиналниот кревет од култниот филм на Франко Зефирели од 1968, „Ромео и Јулија“

„Аирбиенби“ им нуди на туристите можност за ноќевање во историскиот објект, што работи како музеј. Тие ќе бидат први туристи по 1930 кои добиле таква можност. Во спалната соба, уредена во стил на средниот век, ќе биде поставен и оригиналниот кревет од култниот филм на Франко Зефирели од 1968, „Ромео и Јулија“.

Двојката ќе добие и специјален оброк што ќе се подготви во куќата. Заинтересираните двојки за оваа романтична понуда ќе треба да напишат писмо за нивната љубовна приказна и да објаснат зошто токму тие треба да ја добијат наградата. Писмата треба да се испраќаат до 2 февруари.

Ќе ви се допадне