Хороскопскиот знак влијае многу на карактерот на луѓето. Тој ги одредува доблестите и маните. Но, според зодијакот, најмногу негативни карактеристики имаат три хороскопски знаци.
Девица
Тие се малку невротични и од стрес се ослободуваат чистејќи го станот или местејќи ја облеката. Тие не знаат за љубов, а емоциите во голем дел кај нив се сведуваат на секс. Тие без размислување ќе ви забијат нож во грб и тоа промислено со длабока анализа. Знаат добро да глумат и нема да почувствувате дека ќе ве изневерат. Кај нив нема прегратки и нежности, а кога пуштаат солзи тоа е само кога се оплакуваат себеси. На моменти се како вода што врие и немаат вистинска контрола врз својот карактер. Верни си остануваат само на себеси.
Скорпија
Тие се самодеструктивци кои постојано се сожалуваат. Не можат да поднесат да тонат во мизерија, па со себе повлекуваат и низа други луѓе. Утре да е крај на светот, тие нема да се зачудат, зашто секогаш го очекуваат најлошото можно сценарио. Не се плашат од смртта. Љубоморни се и посесивни и без секс не можат да опстанат. Секогаш мислат дека некој кова завера против нив. Емоционално се незрели и не се воздржуваат ако треба да се одмаздат некому. Често се лутат, бесни се, плачат и во тие мигови ве мразат од дното на душата. Опасни се, лукави и големи злопамтила.
Јарец
Тие се студени како роботи. Веруваат во судбина и зборот „извини“ кај нив не постои во речникот. Може да живеете со нив цел живот и да не дознаете што имаат да ви кажат. Не знаат да ги изразат емоциите со зборови. Би ве продале за социјален статус. Кукавици се, штом видат ризик бегаат за да се спасат и лесно може да ве остават на цедило. Бавни се, мрачни и не знаат како да уживаат во убавините на животот. На моменти се искомплексирани и подобро е да се тргнете од нив.
