Американската медиумска куќа Си-ен-ен отпушти тројца вработени кои доаѓале на работа невакцинирани против коронавирусот, поради прекршување политиката на компанијата, пренесуваат странските медиуми.
Главниот уредник на Си-Ен-Ен, Џеф Зукер, испрати соопштение до останатите вработени во кој ја нагласи политиката на компанијата.
„Да бидам јасен, имаме политика на нула толеранција за ова прашање. Ако сакате да работите од канцеларија, мора да бидете вакцинирани. Исто така, мора да бидете вакцинирани ако работите на терен со други луѓе, без разлика дали доаѓате во канцеларија или не“, изјави тој.
Новинарот на Си -Ен -Ен, Оливер Дарси, објави делови од соопштението на Зукер.
Jeff Zucker says in memo to staff that CNN has postponed the Sept. 7 return-to-office date & is now targeting mid-October. “This was not an easy decision, and there is much to consider. The bottom line is that, based on the information that is available today…”
— Oliver Darcy (@oliverdarcy) August 5, 2021
Си -Ен -Ен не објави дополнителни детали за отпуштањата на тројцата невакцинирани вработени.
Повеќе од една третина од работниците на Си-Ен-Ен доброволно се вратија во редакцијата, а колективното враќање беше одложено од 7 септември до средината на октомври.
Во некои редакции, ќе биде задолжително носење маска, освен кога луѓето јадат или пијат.
Слични одлуки донесоа и други странски медиуми.
