УНЕСКО со закон ја заштити конгоанска румба, која важи за еден од највлијателните жанрови во африканските музика, што претставува кулминација на заедничката кампања на двете соседни држави, Демократска Република Конго и Република Конго. Тие се наоѓаат на територијата на древното кралство Конго, од каде што потекнал танцот, се вели во заедничката апликација.
„Сакаме румбата да се препознава како наша. Таа е нашиот идентитет. Нашите предци кои биле одведени како робови ги паметеле своите историја и потекло токму преку овој танц“, изјави министерката за култура на Демократска Република Конго, Кетрин Катунгу Фураха.
Румбата најчесто се поврзува со латино танцот, иако има африканско потекло. Па така, уште во 2016 година УНЕСКО ја внесе кубанската румба во листата на нематеријално културно наследство. Стилот на румбата што се развил на Куба во 19 век влече корени од свирењето тапани на робовите од централна Африка, што потоа било комбинирано со мелодиите од шпанските колонизатори.
Зборот румба на јазикот киконго, којшто се зборува во Конго, значи папок.
