Хелекоптерот со невестата што леташе на сопствената свадба се сруши и се запали во сојузната бразилска држава Сао Пауло, објави во неделата телевизискиот канал Globo TV.
За голема среќа и чудо, невеста не настрадала, но истовремено три лица што ја придружувале биле сериозно повредени. Сепак, и покрај инцидентот, свадбата не била откажана.
Еден од очевидците изјавил дека хеликоптерот се затресол во воздухот и паднал на земјата непосредно пред слетувањето. Невестата и пилотот успеале да излезат и да избагаат од хеликоптерот.
Пожарникарите, кои пристигнале на местото на несреќата многу бргу, успеале да ги извлечат од леталото и преостанатите тројца патници. Потоа хеликоптерот за запалил, но исто така пожарот бргу бил изгаснат.
