Новинарот Џеф Мејсон успеа да го испровоцира американскиот претседател во заминување, Доналд Трамп, за време на разговорот за изборите.
Мејсон го притискаше Трамп со прашањето дали ќе го признае Џо Бајден за иден претседател на Америка.
„Ќе биде тешко да се признае неговата победа, затоа што станува збор за огромна измама. Колку брзо ќе дојде до промени на администрацијата ќе видиме, затоа што времето не е на наша страна. Сè друго е. Факт е дека се случи огромна измама. Тоа не смее да се случи во ваква земја“, изјавил Трамп, кој продолжил да зборува, додека новинарот не го прекина.
Во еден момент Трамп ја изгуби смиреноста и со повисок тон му се обрати на новинарот.
„Јас сум претседател на Америка, немој никогаш повеќе така да зборуваш со претседателот“, по што Трамп побара прашање од друг новинар.
