Рускиот јутубер Виталиј Здороветски, стана популарен благодарение на интересните видеа и кратки клипови што ги објавува. Виталиј има преку 10 милиони следбеници со кои постојано споделува сè што прави, а последниот подвиг му беше скок со падобран, кога ги скрши ‘рбетот и вратот.
28-годишниот јутјубер е добар и најверојатно нема да треба да се оперира, но се уште е во болница, од каде што им испрати порака на неговите фанови.
„Ви благодарам за сите ваши пораки. Извинете ако не одговорам, или спијам, или не можам да го користам телефонот поради болка. Ги скршив ‘рбетот и вратот, сега учам како да одам повторно, но ќе биде добро“, рече јутјуберот.
Виталиј порано работеше како чистач и келнер, сè додека не реши да прифати улога во порно филм. Потоа стана популарен, но вистински се прослави со „Зомби напад во Мајами“ кога се маскираше во бездомник и ги плашеше минувачите во најсиромашните делови на градот.
