Средношколци, родители на деца што победиле канцер, но и други граѓани кои едноставно сакаат да ги развеселат детски срца, во саботата им пееја на децата кои се лекуваат на Клиниката за онкологија.
Најубавата сабота, вечер на емоции и возбуда, во која за момент заборавија на болеста. Во саботата вечерта се пееше за децата од хематологија и секоја следна сабота во 20 часот ќе има пеење. Бранка Костиќ-Марковиќ објави емотивно видео .
„Ти честитам Марија Тасев за иницијативата и честа вака граѓански да се вклучиме во една хумана мисија. Го снимив видеото единствено за да знаете дека и вие некоја сабота можете да им ја развеселите вечерта на овие деца кои цела година немаат излезено од клиниката. Вечерва имаше средношколци, родители на деца што победиле канцер, но и други граѓани како нас што едноставно сакаме да развеселуваме детски срца“, напиша на Бранка Костиќ-Марковиќ.
